CADW FFYRDD CYMRU'N FWY DIOGEL
LANG: EN Cy
CADW FFYRDD CYMRU'N FWY DIOGEL

Cwrs Addysg i'r Gyrrwr

Mae pedwar Llu Heddlu Cymru’n ymroddedig i ddiogelwch y ffordd ac i addysgu gyrwyr. Ers blynyddoedd bellach, mae GanBwyll wedi gweld manteision delio gyda nifer o droseddau traffig drwy gyfrwng cwrs addysgol yn hytrach nag erlyn. Mae’r rhesymwaith yn seiliedig ar y syniad fod cwrs yn fwy tebygol o arwain at well ymddygiad gyrru nag y byddai erlyniad a fyddai ond yn arwain at ddirwy a phwyntiau cosb.

Os derbyniwch docyn goryrru o fewn trothwy cyfyngiad cyflymder penodol, efallai y cewch y cyfle o fynd ar Gwrs Ymwybyddiaeth Cyflymder. Mae hyn yn ddewis yn hytrach na derbyn pwyntiau ar eich trwydded a dirwy o £100.

Cost pob Cwrs Ymwybyddiaeth o Gyflymder yw £92, yn effeithiol o 1 Medi 2017 ac yn cael ei gynnig i yrwyr neu reidwyr gyda’r nod o newid agweddau tuag at oryrru ac felly at newid ymddygiad wrth yrru.

  • Dim ond un cwrs all gael ei ddilyn mewn cyfnod o dair blynedd. Unwaith y bydd cwrs wedi ei gwblhau’n llwyddiannus, mae’r ffeil ar y digwyddiad yn cael ei gau ac ni fydd camau pellach. Bydd troseddu pellach yn golygu erlyniad.
  • Gellir mynychu Cwrs Ymwybyddiaeth Cyflymder mewn unrhyw aral llu lle mae Cynllun Cenedlaethol Ailhyfforddi Troseddwyr wedi cael ei fabwysiadu, waeth ble mae’r drosedd yn digwydd. Gellir dod o hyd i fanylion darparwyr y cwrs yma. 
  • Nid oes prawf ysgrifenedig ffurfiol ond mae disgwyl i yrwyr fod ag agwedd gadarnhaol ac i gyfranogi. Mae cyrsiau’n cael eu cynnig drwy gyfrwng y Gymraeg a’r Saesneg ac mae darpariaeth ar gyfer anableddau.
  • Mae'n rhaid nad ydych wedi cwblhau cwrs tebyg yn y 3 blynedd diwethaf.
  • Mae'n rhaid bod y cyflymder rhwng 10% plws 2 a 10% plws 9 o'r cyfyngiad cyflymer.
  • Mae'n rhaid eich bod yn cyfaddef y drosedd o fewn 90 niwrnod o ddyddiad y drosedd.

 

Dim ond os ydynt wedi bod mewn gwrthdrawiad y gall gyrwyr gael eu cyfeirio at y Cwrs Beth sy'n ein Gyrru. Mae'r cwrs hwn wedi'i gynllunio'n benodol i fynd i'r afael â'r canlynol:

  • Troseddau goleuadau traffig - gyrru diofal neu ddifeddwl (heb wrthdrawiad).
  • Croesi llinell wen solid.
  • Parcio diwahân (h.y. rhwystro bwriadol, parcio ar linellau igam ogam, parcio ar linellau gwynion dwbl solid ac ati.)
  • Goddiweddyd neu fethu â rhoi blaenoriaeth mewn parthau sebra/pâl/pelican.
  • Tramgwyddau arwyddion a signalau traffig.

Gellir dod o hyd i fanylion darparwyr y cwrs yma

 

Cwrs theori yn unig yw RIDE sy'n targedu gyrwyr beiciau pŵer dwy olwyn y mae eu hagwedd (yn hytrach na diffyg sgiliau) yn golygu eu bod yn mentro mewn modd annerbyniol ar y ffyrdd ac felly'n debygol o fod yn berygl i'w hunain ac i ddefnyddwyr eraill y ffyrdd. Er mwyn mynychu'r cwrs hwn mae'n rhaid eich bod wedi derbyn llythyr gan yr heddlu.

  • Dim ond un cwrs RIDE y gallwch fynychu mewn tair blynedd. Ymdrinnir ag unrhyw droseddu pellach drwy erlyniad.
  • Mae gan hyfforddwyr y cwrs gymwysterau beicio proffesiynol a/neu gefndir mewn newid ymddygiadol ac maent yn cadw at ofynion cenedlaethol.

Gellir dod o hyd i fanylion darparwyr y cwrs yma.

 

Mae'r Cwrs Ymwybyddiaeth Traffyrdd Cenedlaethol yn ymdrin â throseddau a gyflawnwyd ar draffyrdd, gyrwyr sydd wedi mynd dros y cyfyngiad cyflymder amrywiol gweithredol, gyrrwr sydd wedi anwybyddu arwydd X goch sy'n dangos bod lôn ar gau, ynghyd â throseddau ar leiniau caled ac mewn ardaloedd lloches.

  • Bydd gyrwyr sy'n gymwys i fynd ar gwrs yn cael eu hysbysu'n ysgrifenedig yn dilyn Hysbysiad o Fwriad i Erlyn.
  • Ni all gyrwyr gyfeirio'u hunain at y cynllun hwn na mynychu cwrs os ydynt wedi bod ar gwrs o fewn y tair blynedd diwethaf.

Gellir dod o hyd i fanylion darparwyr y cwrs yma.